«Исток» мектебінің жаңа бағдарлары мен басымдықтары

«Исток» жеке жалпы білім беретін мектебінде 2026–2027 оқу жылының алғашқы педагогикалық кеңесі өтті. Әкімшілік пен педагогтар ұжымы өткен жылды қорытындылап, қол жеткізілген нәтижелерді талдады және болашаққа арналған негізгі міндеттерді айқындады. Ұжымның өткен оқу жылындағы жұмысы қанағаттанарлық деп танылды.

Жаңа оқу жылы мектеп алдына ауқымды мақсаттар қойып отыр. Педагогтар назарында — білім сапасын арттыру, цифрлық трансформация және академиялық адалдықты нығайту бар. Кеңес отырыстарында МЖББС (ГОСО) негізгі өзгерістеріне және Қазақстан Республикасы Оқу-ағарту министрлігінің нұсқаулық-әдістемелік хатын зерделеуге ерекше көңіл бөлінді. Мұғалімдер оқушылардың функционалдық сауаттылығын дамытуға және алған білімдерін өмірде қолдана білу дағдыларын қалыптастыруға баса назар аударады.

Цифрлық қауіпсіздік те жұмыстың маңызды бөлігіне айналады: заманауи технологиялар мен жасанды интеллект құралдары сабақтарға тек педагогикалық мақсатқа сәйкестігін ескере отырып енгізіледі.

Мектептің тәрбие жұмысы құндылықтарға негізделуін жалғастырады. Жаңа оқу жылында ұжым «Адал азамат» бірыңғай тәрбие бағдарламасын жүйелі түрде жүзеге асыруды қамтамасыз етеді. Бұл бағдарлама оқушылардың бойында азаматтық белсенділікті, өзара сыйластық пен заңға бағынушылық мәдениетін қалыптастыруға бағытталған. 

---